Por norma xeral facer swap en Linux provoca unha caida do rendimento brutal (na maioría dos casos), pero por outro lado necesitamos que o swap exista e que se use no momento no que a memoria do sistema se agote.
Para configurar isto dunha maneira optima temos a variable: /proc/sys/vm/swappiness. Por defecto esta variable ten un valor de 60, e pode tomar valores de 0 a 100.
Explicamos estes valores: canto máis alto sexa este valor, máis preferencia terá o Swap sobre a memoria do sistema. Según as miñas probas se o valor é 60, indica que o se a memoria libre do sistema é menor que o 60% tenderase a usar o swap.
Recoméndase tratar de evitar o uso do swap sempre que sexa posible, xa que, a memoria do sistema é máis rápida que o acceso a disco. Por outro lado, nun portátil deberase evitar o acceso a disco o máximo posible para optimizar a duración da batería. Para iso podemos usar un valor menor que 20, para que o uso do swap sexa o menor posible.
Para facer que este valor perdure nos reinicios deberemos configuralo no ficheiro de configuración: /etc/sysctl.conf. A liña a engadir:
vm.swappiness=10 # O número é o que deberedes variar ata conseguir o voso valor óptimo.
Para liberar o swap:
swapoff particion_swap
swapon particion_swap
É seguro, pero lento, pero é recomendable facer probas nun sistema que non sexa de producción.
